Hotel Heilmann Lyberth-mut tikilluarit

HHL illoqarfiup qeqqani inissisimavoq lejlighed-mik inissiaateqarluni, 18 –nik initalik tamarmik immikkut uffarfeqarlutillu perusuersartarfillit, init tamarmik  TV-qarput telefoneqarlutillu, trådløs aqqutigalugu internettimut attavilernissamut periarfissaqarpoq.

Ullaakkorsiutit unnuinernut akinut ilaatinneqareertarput. Ullup qeqqasiornerit unnukkorsiornerillu siumut inniminneereernikkut aaqqissuunneqarsinnaasarput.

Asiarnerit, nunaqarfinnut angalanerit, Nuummut Nuummiillu weekendernerit aammalu angallatinik attartornerit Maniitsoq Tour Boat ApS suleqatigalugu aaqqissuunneqartarput, Maniitsoq Tour Boat nutaaliaasunik angallataateqarpoq, atortoreqisunik ilaasoqarsinnaanermullu akuerisaasunik, Targa 35 aamma Targa 44, tamarmik immikkut aqqaneq marlunnik ilaasoqarsinnaasunik.

Hotelip aqqa Hotel Heilmann Lyberth illumik piginnittut kinguliaannik aallaaveqarpoq, Suulut Lyberth-ugami nuliaasorlu Bolatta Heilmann-mik kuissuteqarluni katikkami Heilmann Lyberth.

Maniitsoq illoqarfiuvoq nuannersoq eqqissisimanartorlu 2700-nik innuttalik, nunatta kitaata qeqqani inissisimasuummat ukioq kaajallallugu imaatigut timmisartukkullu tikikkuminartuuvoq, tamaammat nuna tamakkerlugu aggersuniik katersuuffikkuminartuuvoq.

Uani Maniitsumut tunngasunik paasissutissanik annertunerusunik pissarsisinnaavutit: una tooruk: